တေးရေး-အယ်လ်ဇော်လ

VERSE 1
အမြဲကြင်နာလွန်းတဲ့ ချစ်သော မေမေ
မေမေ အကြင်နာမေတ္တာ တကယ်ကို မခမ်းခြောက်နိုင်ဘူး
ကြည်လင်အေးမြတဲ့ စမ်းရေလို တသွင်သွင်စီးဆင်း အမြဲရှိနေ
ထာဝစဉ်ပေးဆပ်ရင်းနဲ့ တဖက်သတ် ချစ်တဲ့သူ
သမိုင်းတင်လောက်တဲ့အမေ

CHORUS 1
မေမေ ဆိုဆုံးမခဲ့တဲ့ သွန်သင်စကားလုံးလေးတွေရှိတယ်
ပတ္တမြားထက်တောင် အဖိုးထိုက်တန်သေး
ဖြူစင်ရိုးသားသူများ အကြင်နာသစ္စာတရားရှိအောင် ရင်သွေးများကို သူ ပျိုးထောင်
ပညာဉာဏ်များ ဆည်းပူးဖို့ နာခံခြင်းများရှိစေဖို့ ဘုရားမြတ်ထံ တောင်းဆုခြွေခဲ့
ပူလောင်သောကကြုံလည်း မေမေ ကြိတ်မြိုသိပ်ထားတယ်
အစဉ်လေးစား ဂုဏ်ယူမိတယ်

VERSE 2
အမြဲတည်ကြည်လွန်းတဲ့ ချစ်သော မေမေ
ဘဝလေမုန်တိုင်းများ ရင်ဆိုင် ရုန်းခဲ့ရှာတယ်
ဘယ်လိုကြမ်းတမ်းခက်ထန်လည်း ငြူစူညည်းတွားခြင်း မရှိပါ
ရင်ဝယ်သားသမီးများကို အပြုံးနဲ့ နှစ်သိမ့်သူ
သမိုင်းတင်လောက်တဲ့ မေမေ

CHORUS 2
ပင်လယ်ပြင်ကြီးခမ်းသွားဦး
နဒီချောင်းများ ပြောင်းပြန်စီးပါစေ
မေမေ့မေတ္တာ မခမ်းခြောက်နိုင်ဘူး
နေဆယ်စင်းထွက်ပါစေဦး ဝေဟင်ကောင်းကင်မီးစွဲပါစေ
မေမေ့မေတ္တာ မကုန်ခမ်းနိုင်
ကန္တာရကြီး စိမ်းလန်းဦး တောင်ပြာတန်းကြီး
ပျက်ကြွေဦး မေမေ့မေတ္တာမပြောင်းလဲနိုင်ဘူး
မေမေငြိမ်းချမ်းပါစေ မေမေ ဘေးရန်များကင်းစေ
ဘုရားမြတ်ထံ ဆုတောင်းနေ