တေးရေး – အဂူးခင်
VERSE 1
ဘယ်တော့မှ မသွားတော့ဘူးလို့ ခဏခဏပြောနေလည်း
ခြေလှမ်းများက ရပ်တန့်မသွားဘဲ ဆက်လက်လျှောက်နေဆဲ
လှမ်းလေဝေးလေပဲ စိတ်ထင်ရာစိုင်းနေခဲ့
အဝေးသို့ မျှော်တိုင်းဝေး လှမ်းဖို့ အားအင်မရှိပြီ
အဆုံးတော့ ဘဝသည် ဘယ်ဆီ မသိမြင်
VERSE 2
ဘယ်တော့မှ မပြောတော့ဘူး ပါးစပ်ကပြောပေမယ့်
ဒီအမှားက ရပ်တန့်မသွားဘဲ ဆက်လက်မှားနေဆဲ
တွေးလေ ဝေးလေပဲ အမှားတွေချုပ်နှောင်ဆဲ
စိတ်ရဲ့ ဆန္ဒအောက်မှာ အထိန်းအကွပ်မဲ့နေခဲ့
အထိန်းအချုပ်မရှိလျှင် ဘယ်ဆီမသိမြင်
CHORUS
မရေရာတဲ့ ဘဝကနေ လှည့်ပြန်လာပါတော့
ကယ်တင်မယ့် ဘုရားမြတ် ကြိုလင့်ဆဲ
သေချာတဲ့ ဘဝတစ်ခုအဖြစ် ရပ်တည်နေနိုင်ဖို့
ယေရှုဘုရားလက် ပုံအပ်တော့
အဝေးမှာ လွင့်မျောဘဝတွေ အချိန်မီ သခင့်အနား တိုးဝင်တော့