တေးရေး-အယ်လ်ဇော်လ

VERSE 1
လှိုင်းလေထန်တဲ့ အဏ္ဏဝါထက်မှာ လှေငယ်လေးရယ်
မစိုးရိမ်ပါနဲ့ ကိုယ်တော်နဲ့အတူဆိုတာကို မမေ့နဲ့
ပြင်းထန်မုန်တိုင်း အန္တရာယ်အခက်ကြုံတာတွေ ဖြေရှင်းပေးမယ်
အရာရာအားလုံးအတွက် သခင်ဘုရား ကြိုသိတယ်

VERSE 2
လှိုင်းလေတွေထဲ မာန်ကို မလျှော့ပါနဲ့ လှေငယ်လေးရယ်
မတွေ့ကြုံချင်လည်း ကြုံရစမြဲ ဒီရေပြင်ခရီးဝယ်
မစွမ်းဆောင်နိုင်တဲ့အရာတွေအတွက် ကိုယ်တော်ထံအပ်နှင်းလိုက်ကွယ်
အရာရာအကောင်းဆုံးအတွက် သခင်ဘုရား ဖြေရှင်းပေးမယ်

CHORUS
ပူပန်စိုးထိတ်မှုအတွက် ခြောက်လှန့်မှုတွေ ရှိပါစေ
အကြိမ်ကြိမ်ဆုံးရှုံးခဲ့ပါစေ ကြောက်ရွံ့ဖို့ မလိုပေ
ဘယ်လိုအတားအဆီးများစွာ အနှောက်အယှက်နံဘေးမှာ ရှိပါစေ
သခင်ဘုရားရဲ့သက်သေတွေ အံ့သြရလောက်အောင်လေ
လိုရာလမ်းဆုံးပန်းတိုင် အရောက်ပို့မယ့်သခင်ရှိနေ

ယုံကြည်ခြင်းနဲ့ ရှေ့အနာဂတ်အတွက် အားအင်ပြည့်ပါစေ
အောင်မြင်ခြင်းက အနီးမှာ ကမ်းလင့်လို့ ကြိုနေ
ကြုံဆုံရသမျှ ပြဿနာ တိုက်ခိုက် ဝိုင်းရံထားပါစေ
သခင်ဘုရားပဲ ဦးဆောင်စေ ပုံအပ်လိုက် ကိုယ့်အခြေအနေ
လှေငယ်လေးအတွက် လှိုင်းလေ ဘာမှမစိုးရိမ်တော့ပေ